ਮਿਸ਼ਨ ਫਤਿਹ ਐਸ.ਏ.ਐੱਸ.ਨਗਰ ਵਿੱਚ ‘ਆਤਮ ਨਿਰਭਰ ਭਾਰਤ’ ਯੋਜਨਾ ਦੀ ਸ਼ੁਰੂਆਤ

I/31690/2020

ਜ਼ਿਲ੍ਹਾ ਲੋਕ ਸੰਪਰਕ ਦਫਤਰ, ਐਸ.ਏ.ਐਸ. ਨਗਰ

ਮਿਸ਼ਨ ਫਤਿਹ

ਐਸ.ਏ.ਐੱਸ.ਨਗਰ ਵਿੱਚ ‘ਆਤਮ ਨਿਰਭਰ ਭਾਰਤ’ ਯੋਜਨਾ ਦੀ ਸ਼ੁਰੂਆਤ

ਐਸ.ਏ.ਐੱਸ. ਨਗਰ, 6 ਜੂਨ:

ਮਿਸ਼ਨ ਫਤਿਹ ਪਹਿਲਕਦਮੀ ਦੇ ਉਦੇਸ਼ਾਂ ਨੂੰ ਮੁੱਖ ਰੱਖਦਿਆਂ ਪ੍ਰਵਾਸੀ ਮਜ਼ਦੂਰਾਂ / ਮਜ਼ਦੂਰਾਂ ਨੂੰ ਭੋਜਨ ਪੈਕਟ ਮੁਹੱਈਆ ਕਰਾਉਣ ਦੇ ਮਕਸਦ ਨਾਲ ਜ਼ਿਲ੍ਹੇ ਵਿੱਚ ‘ਆਤਮ ਨਿਰਭਰ ਭਾਰਤ ਯੋਜਨਾ’ ਸ਼ੁਰੂ ਕੀਤੀ ਗਈ ਹੈ।

ਇਸ ਉਪਰਾਲੇ ਦਾ ਮੁੱਖ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਕੋਈ ਵੀ ਪ੍ਰਵਾਸੀ ਮਜ਼ਦੂਰ ਭੁੱਖਾ ਨਾ ਰਹੇ। ਅੱਜ ਇਥੇ ਇਹ ਪ੍ਰਗਟਾਵਾ ਕਰਦਿਆਂ ਡਿਪਟੀ ਕਮਿਸ਼ਨਰ ਸ੍ਰੀ ਗਿਰੀਸ਼ ਦਿਆਲਨ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਜ਼ਿਲ੍ਹੇ ਵਿਚ ਇੱਟਾਂ ਦੇ ਭੱਠਿਆਂ 'ਤੇ ਕੰਮ ਕਰਦੇ ਪ੍ਰਵਾਸੀ ਮਜ਼ਦੂਰਾਂ / ਮਜ਼ਦੂਰਾਂ ਵਿੱਚ ਕੁੱਲ 800 ਪੈਕੇਟ ਵੰਡੇ ਗਏ।

ਇਸ ਤਹਿਤ ਮਾਡਰਨ ਇੱਟ ਭੱਠਾ ਅਤੇ ਗਰਗ ਇੱਟਾਂ ਦਾ ਭੱਠਾ ਬਨੂੜ ਅਤੇ ਕੁਝ ਹੋਰ ਭੱਠਿਆਂ ਨੂੰ ਕਵਰ ਕੀਤਾ ਗਿਆ ਹੈ। ਆਉਣ ਵਾਲੇ ਦਿਨਾਂ ਵਿਚ, ਵੱਖੋ-ਵੱਖਰੇ ਉਦਯੋਗਿਕ ਅਦਾਰਿਆਂ ਅਤੇ ਫੈਕਟਰੀਆਂ ਵਿਚ ਕੰਮ ਕਰਦੇ ਮਜ਼ਦੂਰਾਂ ਨੂੰ ਕਵਰ ਕੀਤਾ ਜਾਵੇਗਾ। ਉਹਨਾਂ ਦੱਸਿਆ ਕਿ ਹਰੇਕ ਪੈਕੇਟ ਵਿਚ 10 ਕਿਲੋਗ੍ਰਾਮ ਆਟਾ 1 ਕਿਲੋ ਕਾਲੇ ਛੋਲੇ ਅਤੇ 1 ਕਿੱਲੋ ਚੀਨੀ ਸ਼ਾਮਲ ਹੈ। ਉਨ੍ਹਾਂ ਕਿਹਾ ਕਿ ਹੋਰ ਸਕੀਮਾਂ ਦੇ ਉਲਟ, ਇਸ ਸਕੀਮ ਦਾ ਲਾਭ ਉਨ੍ਹਾਂ ਨੂੰ ਵੀ ਦਿੱਤਾ ਜਾ ਸਕਦਾ ਹੈ ਜਿਨ੍ਹਾਂ ਕੋਲ ਸਥਾਨਕ ਰਾਸ਼ਨ ਕਾਰਡ ਨਹੀਂ ਹੈ।

 

 

----------

 

ਅੱਪਡੇਟ ਕੀਤਾ: 06/06/2020 - 21:47
back-to-top